الشاعر : محمد عبد العزيز رمضان
ولقيت الفرح جاني
ولقيتك من جديد
يا حياتي يا عمري قرب
طب ليه تبعد بعيد
أنا ياما سهرت أفكر
كل يوم حبك يزيد
لو تعرف إيه جرالي
من غيرك مش سعيد
نار حبك والليالي
والهوى وحزني الشديد
ولقيت الفرح جاني
راح نعيد كل اللي فات
مش ممكن أنسى حبك
والهوى والذكريات
أنا عشت معاك حياتي
و دنيتي وأحلى الحاجات
أوعى تفكر سكاتي
ودمعتي وكل الآهات
هتفرق يوم ما بينا
اللي بينا مش ساعات
حب بجد وحقيقي
مش رواية وحكايات
ولقيت الفرح جاني
وضحكتي ملت المكان
وحبيبي رجعلي تاني
ودقلي كل البيبان
من غيره أنا كنت تايه
كنت خايف من زمان
وفي قربه أنا عشت تاني
مش راح أبعد مهما كان
ولقيت الفرح جاني
ونورت كل الشموع
أنا شفت حبيبي تاني
واختفت كل الدموع
أوعاك تبعد ثواني
بعدنا ما لهوش رجوع
