الشاعر احمد عبدالحق
كذبوا المنجمون والعرفات
حتي وشوشة الوداع
لما قالوا
إن الفقير من حقه يعشق
بنت الأمير
ولما مايعرفش يطلع
تنزل له هي
وترضي جهزها
شباك وقلة
والركنة يادوب حتة حصيرة
صعلوك باصاحبي
لو فكرت لحظه
في عشق الأميره
بخت أبوك لو غيرته
هيعلقوك
عارف أحلى حاجه فيك
أنك فقير
يادوب تحس بالوجع
وأكتر حلم ليك فيها
هي يادوب طرف الضفيرة
ملعون ياقلبي
لو صدقت العرافين
كل برغوث علي قد دمه
و أنت فصيلة دمك يادوب
زي فصيلة دم أبوك
هيخدعوك ويوهموك
ولما تيجي تصدق
يلعنوا الحب
وفي صدق أحساسك
هيكرهوك
هي بدع
لما تمشي بإحساس ودع
لماتكتب فوق الرمال
قلبي أتوجع
ساعتها بس هتعرف
أنهم من البدايه
أصلا كانوا هيبعوك
أسكت بقي خليك رزين
متصدقيش تاني الدجالين
أحسن يسحروك ويغيروك
وأحتمال في الحب يكفروك
