منصور عياد
إهداء إلى الشهيد البطل
محمد صلاح
الشهيد عل الجنه رايح
يا هناه والدم سايح
نبكي عليه ونفرح
دا هوّ دا اللي رابح
جنة الرحمن تنادي
أزْرعوا الخوف فِ الأعادي
وأكتبوا العز لأهلي
ولحبايبي ولبلادي
الدموع دي يا أمه ليه
والسعادة قد أية
دا النعيم اللي بعيشه
يوعدك ربنا بيه
الشهيد على الجنه رايح
يا حبيبي ليه تسيبني
هان عليك البعد عني
يحلى عمري وأنت جنبي
أنت نور عيني وسندي
وإزاي نفرط يوم في حقك
وأنت رايح ترضى ربك
تحمي بيتك تحمي أرضك
والتمن كان روحك ودمك
الشهادة عز لينا
والفراق صعب علينا
مهما نفرح غصب عنا
الدموع تِملى عِنيننا
الشهيد عل الجنه رايح
يشهد دمه اللي سايح
نبكي عليه ونفرح
دا هوّ دا اللي رابح
