الشاعر: عادل العوادي
الخطا أني أحبه … ذَا خطا
والمصيبه … ما تعلمت الصواب
حبه اللي كل يأخذ ما عطا
ولو عطى يعطي على قياس الثياب
واللي أصعب إنه حبه لي سطا
لو أتوبه ( مستحيل القلب تاب )
واللي أسرع .. كلها أيامي بطا
والغريبه عادي عنده ذَا الغياب
قلبي اللي بجمر حبه جاء وطأ
ولو يجيني أنسى جمره والعذاب
أنا له بالخافيه … ( ستر وغطا )
وأنا له بالعافيه .. غيم وسحاب
أتبعه وأتبع سرابه والخطا
لو مشيته .. وأدري إنه ذَا سراب
المصيبه أدري حبه ذَا خطا
والمصيبه ما تعلمت الصواب
