شخصيات مميزة في سطور..سارة محمد يوسف   

شخصيات مميزة في سطور .سارة محمد يوسف كاتبة مصرية شابة .من مواليد ( 6 نوفمبر 1995 ) محافظة الجيزة

طالبة بكلية الطب البيطري بجامعة القاهرة .مدربة تنمية بشرية بمؤسسة حلم التغيير .

 

 

لها عدد من الروايات التى نُشرت الكترونيا :

رُزقت الحلال

أصدقائى قنبلة ذرية

انا وانتي يساوي .

رواية كوخ باخر المدينة

رزق حبي

كبسولة قبل الامتحان

الناشرين

 

اقتباسات ؛

 

عوالم وددت الغوص فيها والحديث عنها..

 

كم من الرائع أن تجد شخصا يخاف أن يخسرك ..

يخاف أن يستيقظ ولا يجدك بجواره ..

هل سأجد من يعشقنى لدرجة الجنون ؟

لدرجة أن يفعل ما لم يتوقع فعله فى يوم من الأيام لأجلى ؟

 

أول مرة قلبي يدق طرت .. فرحت توهت .. سرحت بقى أنا عايشه ف قصة حب لكن فجأة لاقتني وقعت ..

بابا رافض سيرة الحب ..! غضبت وثورت لكن بابا قاسي القلب أخدت قرار .. وروحت هربت لكن لاقتني .. رجعت ندمت قولت يارتني ف يوم ما غضبت واستحملت قسوة قلب بكره مسيره عليا .. يحن يارتني سمعت كنت ساعتها حفظت براءة قلب عمره ما داق طعم الغدر .

 

لا تخبرني بحبك بل دع أفعالك تخبرني به .

 

تقول عن نفسها :

 

في البداية كنت بأقعد أقول إني باكتب تسلية، إني بأحكي حكاية وخلاص.. يعني أكني بأقول محدش يعدل عليا، محدش ينتقد، محدش ياخد كلامي جد!

ودا اللي فهمته بعدها بكتير، مش لأني كنت بأقولها للناس. لكن دا اللي كنت بأردده لنفسي، بيني وبينها.

بعدين اكتشفت إن دا هروب، هروب من مسئولية حاجه قررت أعملها، بسلبيتها زي إيجابيتها، مينفعش أخد الحلو وأسيب الوحش في كل الأمور، والكتابة كانت منهم. لإني لو عملت كدا مش هتحرك من مكاني، وهفضل مزنوقة في زاوية محبش أشوف نفسي لسه فيها بعد سنين.

أخدت قرار، إني هقف ورا اختياراتي بشجاعة. اخترت الكتابة؟.. طب تمام.. يا جماعة أنا اللي كتبت أنا وأنت يساوي، بس بردو أنا اللي كتبت حادث مع سبق خيانة.

شايفة التطور من دي لـ دي.

الرواية الأولى لها محبين، والتانية لها محبين، وفيه بعض المحبين المشتركين.

وأي رواية هتتكتب بعدهم هيتلمس فيها تطوري، وتمكني من رسم الخطوط والأبعاد، وخلق جو مختلف (كما أتمنى).

لذلك أي كاتب\ـة بأشوف في بداية الرواية مكتوب إنها رواية للتسلية، ترفيه، تغيير جو، خلق حالة مختلفة.. عقلي بيترجمها مباشرة إلى: يا جماعة أنا ملغبط في الأحداث، كاتب انفعالات للشخصيات مبالغ فيها، القصة دي ما تدخلش عقل عيل بربع جنيه، يا جماعة هتلاقوا كلمات في غير محلها، وأنا مش عارف استخدم تعبيرات صحيحة… إلخ

دا فعل جبان!

قررت تكتب وتعرض للناس، أقف ورا اختيارك واستحمل اللي هينتج عنه. وإلا اكتب واحتفظ بما تكتب لنفسك، في الدرج.

 

طوبي للذين يعطون دون تذكر…يأخذوا دون أن ينسوا!

 

أنا و أنت يساوي

لسه الأحلى ماجاش…

وأنا هافضل استناه!

 

أنا و أنت يساوي

إحنا…يعني روح واحدة بس في جسدين!

 

أنا و أنت يساوي

أبطالي…

هم أبطال حكايتهم فقط فلا تحسب أن أبطالي هم فريدة ومصطفى أو أكرم مرام لقد أخطات وبشدة لان باريهان أيضا بطلة ولكن في حياتها هي! سعد..هشام..حتى إيمان وعبدالرحمن ..ياسين وصابرين فكلا منا بطل ولكن في حياته فقط! ستأخذ روايتك بيمينك أو…شمالك. فاسعى جاهدا لتنال النهاية السعيدةالحقيقية ….. الجنة

 

أنا و أنت يساوي

إحنا…. إحنا معناها كبير أوي!..عارف لما مجموعه يتفقوا سوا مثلا ويقولوا إحنا هنبني مسجد بتلاقيهم كلهم بيشتغلوا وكلهم بيبنوا سوا بينهم قوة واتحاد بيشاركوا بعض في المصاريف في الاكل في الشرب في الشغل حتى العرق بيشاركوا بعض فيه بس شوف على الرغم من اختلاف احجامهم واشكالهم وانه لكل واحد فيهم ليه شخصيه مست….

 

أنا و أنت يساوي

هنا تذكرت طريقته في الكلام معها عندما ظنها الممرضة فقالت بحنق: بصراحة طريقتك في الكلام غير مريحة و مادتنش فرصة أتكلم و الحمد لله مش هي اللي سمعت الكلام دا لأنه أكد واحدة ش قيانة وتعبانة و كلام زي دا هيزود عليها تعبها. ياريت تبقى تديها فرصة للكلام يمكن تقدر تقنعك و اذا ما كانش يفرق معاك انت اذا كانت هي او غيرها يشتغل فهي اكيد هيفرق معاها حاجة زي كده! … وياريت ما تعاملش اللي بيشتغلوا عندك كأنهم عبيد لأنهم بشر زيك و أفتكر انه الدنيا دوارة و انه النهاردة ليك بس بكرة مش بعيد يبقى عليك ..

 

أشاد الكثير من الكتاب برواية رزقت الحلال