محمد جمعان الدوسري
الأجواء الجديد القديم
وكل ما صدمنا الصيف تذكرنا ربوعنا الجميله
يشرق بكم هذا الجمال الصب ياأهل المصيف///
وحنا عسى الله يرحم اللي باللواهيب إشتوى
إللي تلحف بالهوى المسموم والجو المخيف///
والحر الأقشر لا تلوى بالسموم ولا إكتوى
ولاغدا به وقته القاسي وعود يالطيف///
يزفر زفير(ن)شين لين إنه من الحزن ارتوى
مابين هجمات الهوى ألممرور والحلم المريف///
حتى طلوع اسيهل وإن جا سهيل أو نجمه ظوى
وأصبح يبرق في النسيم العذب والنسناس زيف///
من فتحة التكييف عله يرتوي من ذا الهوى
وأنتم تعيشون النسيم العذب والجو الظريف///
سحب تلاحي وجنة الملتاع لا منه دوى
يطرب لها المصطاف والعاني ومثله كل ضيف///
بين الجبال وفي ذرى مشرافها كل ما نوى
يمد عينه في فضاء الجو يرقب للخريف///
ولا زفير الحر حلم ما طرى له لاغوى
في الصبح ولا الظهر ولا العصر والعالم لفيف///
ولا مغيب الشمس أوفي الليل لامنه ثوي
وحنا تنفسنا السموم الشين والجو المخيف///
في البيت ولا في الطريق يلج راسي لا إهتوى
إن رحت تبغى السوق لاقاك الهوى لوه ضعيف///
يمطر عليك الحر لفح(ن)حار من حره كوى
حتى السحاب اللي يمر أعلا السما ماله وكييف///
كنه سراب تاه في غب القفار بماحوى
أماهوانا إللي إنتمنا نسمته والله كليف///
عند البحر بعد الفجر قبل الضحى إذا استوى
يارب لطفك بالعباد اللي غدت ترزف رزيف///
من هالسموم اللي يسم القلب
مننه لاضوى
