المهدي تركي الرياحي
محتاج لك ياللي تعرف السريرة
يا رأس مالي والمكاسب والأرباح
تعبت من مرقا الجبال العسيرة
أحد رقا واحد عقب نصفها طاح
وأقول يراع الآمال الكبيرة
ما كل وادي يشبه لوادي إنساح
أصرف نظر عينك عن أشياء كثيرة
إن كان ودك من غثاء الوقت ترتاح
ترى خبول الناس في كل ديرة
اللي لهم في غفلة الناس مسراح
وأدخل على الله من وجيهٍ شريره
اللي تغير لونها مثل الأشباح
كم هي نفوسٍ بالمعرفة فقيرة
اللي ما تحسب للخساير والأرباح
وألا تعلم الجاهل وألا تستشيره
وألا تجادل المطفوق لو كان مزاح
وإلا إنعزال أحيان فيه ألف خيرة
عن مجتمع بعضه مجانين وصحاح
وإن كان تبغى الأوله والأخيرة
في صدرك أصنع قفل من غير مفتاح
