محمد جمعان الدوسري
بين الرجا والأمل سقنا خطاوينا…………
في مهمه(ن)قفر والأحلام سجاجه
أما لقينا طفيف(ن) من أمانينا…………..
ولارجعنا بحمل(ن) تزفر أفجاجه
ولا قعدنا نحاتي مايلاقينا………….
معنا تلاويح حظ (ن)يقبس أسراجه
وما كان مكتوب وأبطى ما يخلينا…………
وسمه ورسمه أشوفه بين اعواجه
سنين راحت تسف وأثرت فينا………….
واسنين تاتي بطيب الحظ وإزعاجه
وحنا نسج القدم غصب و يلاقينا………..
اللي مقدر ولو حط المدى أسياجه
من يوم كنا شباب وفي مآقينا…………
أمشاج حزن(ن) عنانا ضرب كرباجه
نقوم نقعد ولا به من يشاكينا……….
ونشرب هماج الاسى ونلف دولاجه
آهات نفس(ن) اذا ما الحزن يطوينا…………….
فيها تعلات من لجت به الحاجه
