الرئيس عبد الفتاح السيسي: لو عشت الحالة بين 67 و73 هتعرف إن مصر قفزت مش انتصرت

ريهام طارق

الرئيس عبد الفتاح السيسي: لو عشت الحالة بين 67 و73 هتعرف إن مصر قفزت مش انتصرت.. وحالة التحدى القومى بدأت عندما خرج المصريون لرفض تنحى عبد الناصر..

“كان عندى 13 سنة وفاكر كل حاجة اتعملت.. رأس العش والمدمرة إيلات وحريق الزيتية أى بيان اتقال كنت موثقه.. وجايب جرايده والكتب اللى اتكلمت عن اللى حصل”.

أضاف الرئيس السيسي: “فيه مقالة واحدة من ضمن المقالات اللى اتكتبت ضمن خطة الخداع الاستراتيجى كتبها المفكر العظيم محمد حسنين هيكل.. كان بيتكلم فيها عن محاولات العبور والنتائج اللى ممكن تحصل.. كنت بقرأ كل المقالات اللى بتصدر عن الحرب والصراع وحرب الاستنزاف لو جبتهالكم وهى بقالها من أكتر من 52 سنة بعد السبعينيات وشوفتوها هتعرفوا قد إيه حجم القفزة.. والله لا أبالغ عشان أنا مصرى أو علشان أنا ظابط جيش.. ده مكنش ممكن حد تانى يعملها إلا الجيش المصرى فى الوقت ده”.

وتحدث الرئيس عبد الفتاح السيسى عن تفاصيل حرب أكتوبر، قائلا إنه “بمفردات القوة الموجودة التى كانت لصالح إسرائيل، تمكن الجيش المصرى بالفكر والتخطيط والعزيمة أن يحقق النصر، وعندما نقول اليوم إنه كان هناك جسر جوى ضخم نحن لا نستدعى حالة بل نحكى كيف نفهم الحكاية”.

وأضاف الرئيس السيسي: “عندما يقول كيسنجر فى مذكراته أن القرار كان عدم السماح بهزيمة السلاح الغربى، أى أن القرار كان على مستوى القوتين العظمتين”.

وتابع الرئيس السيسى :”نحن كدولة علينا دور نعمله بموضوعية، لأننا نريد فى تعاملنا أن نكون دائما الحق، لأن الحق لا يمكن التغلب عليه وكذلك الصدق، وإذا أردت معرفة الحكاية فليس بعنوان تسمعه أو مقولة تتردد، بل تقرأ وتسمع كويس لأنها بلدك إذا كنت مهتم”.