الشاعر:أحمد عبد الحق
بالمختصر
طلعوا القمر
أيوه طلعوا القمر
باعوا الشمس في حقن
تحدوا الزمن
كتبوا حروف متذوقه
علي الأمواج
وكمان علي ورق الشجر
بالمختصر
علمتني الحياه أعيش الحياه
بطولها أو بعرضها
علمتني أدوق الشهد
بشرط الأول أدوق مرها
بالمختصر
حبك أصعب إمتحان
بالعقل ممكن
بالقانون حتي بلغه العيون
حتي في لحظة جنان
حبة تعند
حبة عناد
مرة أقرب وحبة أبعد
ساعات بقسوة بس بحنان
بتقولي أمشي يلا
لا وإيه بتقولي أبعد
طيب قوليلي إزاي وليه
هو فيه حد عاقل
يفكر يعند القدر
بالمختصر
ممكن كلامي ميعجبش
ممكن كمان ميتفسرش
إحتمال كمان ميتفهمش
حقك عليا متزعلش
هو يعني صدقتهم
لما قالوا هنطلع القمر
وإن سر البحور
مستخبيه في نقطه مطر
ماهو الأمير لو حس جوع
كان حس يوم
إزاي تكون عيشة الغجر
مع كل حرف بنكتبه
مع كل لحن بنسمعه
بتنزل دموع متشبكة
عاشقه أنين قلب الوتر
بالمختصر
أتعلمت منك كل الحاجات
الكلام وقت السكات
أقسم برب العزة
قبلك كنت عايش
يادوب حرف علي الهامش
كنت بحسب أن قلبي
من زمان فاتني ومات
