محمد جمعان الدوسري
تعلق فؤادي بصوره لفييها ميلاف…
من الذكريات اللى سبتني و مألوفه
تلاحي وجيبي بفيضها الهامل الرواف………
وتسقي شغاف القلب بالحب وتحوفه
تناجي منازل ديرتي والأهل لاطاف…….
علييه وفاض الشوق والنفس ملهوفه
وتلعب بي الذكرى الجميله وأنا طواف…….
عليها بوجدي والهوى يدمدم أدفوفه
لديرة صباي وسيفها وبرها الرواف…..
وبيت سكنا فيه لاهب عاصوفه
لمرتع صبانا بوجد ماتحتويه أوصاف……
يسامر وجيبي بكل ما أنساح من جوفه
ولسيف البحر والحيش والغاف والصفصاف………..
وأسراب طير البحر في الجو مصفوفه
كأني مع الذكرى وأنا فحيها مصطاف…………….
أسامر طلول الوجد بالشوق وأصنوفه
وكأن الهوى في القلب يحرك المجداف……………..
فزورق غرامي وسيحة البال مكشوفه
وعيني على الميناء ولي في الهوى ميلاف…………………
وذا مدخل الفرضه به الناس مشغوفه
وأنا من زمان أعيشها والوله ينشاف………………..
في عين المحب اللي خطف حبها شوفه
رحيمه تلامس وجد من زارها لاشاف……………….
طلول المباني اللي لها أشكال معروفه
سكن حبها في القلب انس وعسفت القاف…………………
ولاحيتنا النهام لاصفق اكفوفه
جمع أهلها حب لها والهوى رواف……………
تراتيل ولهان لها شال معزوفه
