الشاعر محمد عبد العزيز رمضان
جاى رايح مش راح أسيبك
جاى رايح بردو وراك
مهما قلت أنا بردو حبيبك
مهما غبت أنا بستناك
لو بعدت أنا هقدر أجيبك
عمري كله هعيشه معاك
جاى رايح عمري حياتي
ليه بتبعد عني تغيب
فيك بفكر أيوه ليلاتي
أنت أغلى وأغلى حبيب
دمعتي وفرحي وحكاياتي
يا حبيبي يا أحلى نصيب
جاى رايح وانت هوايا
حبي ليك عايش موجود
نفسي اكمل وانت معايا
عمر ما يفرقنا سدود
فرحي فرحك انت منايا
مهما أوصف مالو حدود
آه بقولها ومن جوايا
منك أنت شبعت وعود
جاى رايح أنا مشاتقلك
ليه تسيبني بناري وحيد
مش سامعني وأنا بندهلك
والفراق يا حبيبي شديد
أيوه دايما أنا محتاجلك
وأنت ليه بتبعد لبعيد
جاى رايح طول الليل
وأنت عامل فيها تقيل
حبنا كان حب جميل
هو مش محتاج لدليل
ليا ليه تغدر وتميل
سبتني وصبحت عليل
