المهدي تركي الرياحي
السعودية – جدة
هوج العواصف و بحرٍ تاه فيه ألغريق
وامسك على القشة اللي يعتبرها نجاه
في رحلةٍ تنتهي قدام يبدا الطريق
ومسافرٍ فا التجاه ورحلته فا التجاه
يعيش في وحدته دايم والا له صديق
وصوته ليا صاح ما يرجع له إلا صداه
من كثر مامر به مشاعره ما تفيق
و ايامه اتمر به هذاه كنه هذاه
ابرد من الضحكة البلهاء بوجه الرقيق
ماتت قبل ما يجي ميلادها بالشفاه
من سبة الطعنة اللي بالظهر من رفيق
وهو يحسب ان الرفيق اكثر امأن وذراه
ونلبس وجيهٍ علينا شكلها ما يليق
ونقول ذي عملة العصر الجديد ورخاه
بعض المعادن بهرنا لونها والبريق
لو كان هي من نحاس ومبطيً في صداه
والاعاد ننزف لو ان الجرح فينا عميق
والا عاد نحفل بطيب الوقت والا رداه
احتجت للي تقول انه بصدري يويق
اللي جعل من رضايه حصةٍ من رضاه
تضيق بي الحياة وخاطره ما يضيق
نهرٍ على فطرته ما ينقطع من رواه
واقول هذا الحياة ابذل لها ما تطيق
ان ما اغتنمت الفرص ما ذقت طعم الحياه
✍️ المهدي بن تركي الرياحي
