ياحظ وينك

محمد جمعان الدوسري

ياحظ وينك وين درهم ذلولك……………………..

تعال شفني في ملاوي(ن) بعيده

أطرد سراب وأحتري وهج زولك………………………..

والحظ لامن سج يكود صيده

هواجس(ن)طافت تلاحي ذهولك………………………

وبعض الهواجس مع نكدها شديده

هذا هواي وغايتي كيف أطولك……………………..

عساك تسفر بالحلول الرشيده

بعض التجارب لوتعدت تهولك…………………

لكن تعوود في ثياب(ن) جديده

لاصرت في راحه ترى الناس حولك……………………

إن قلت قالوا لو كلامك عصيده

الهم لو ذبيت رجم بيغولك…………………..

حتى لو إنك في حياة رغيده

دنيا تلوى يوم تطبل طبولك……………………..

وفيهاحزون(ن)مع تعبها نكيده

من عاش شاف ولو جنح بك فضولك……………………

ومن لا زم الإصرار يلقى الطريده

لا صرت في شحنه يغرد عذولك……………………..

يأخذ علومك ثم يرميك حيده

لا تفتخر بأنساب ناس(ن) مضو لك………………….

خل أفتخارك بالعلوم الحميده

بمدة يمين ترفع اللي إشتكو لك…………………

ووقفة سنود(ن)ما يخلي عضيده

فعلك مع اللي جاك يتبع رحولك……………….

يرفع شنارك في سماك ويزيده

ولاتقول للنشاد ربعي هذولك…………………….

الذيب ما يأكل سوى اللي يصيده

وخل أمتسابك ماينوخ ذلولك………………………

في صحصاح(ن)قفر(ن)ما تلايم صعيده

حقايق(ن)تركض عليها خيولك………………………

حتم(ن)تلاقيها ولو هي بعيده