الشاعر : احمد عبد الحق
هو حرف جنب حرف
وسطر حاضن سطر
ورقه بتعشق ورقه
وزي ماقال الكتاب
نقطه بتجر نقطه
تعالي نصور اللقطة
نسمة عاشقه السحاب
هو يعني عشان نحب
لازم نسيان
لازم بعاد
لازم عذاب
ولا عشان نحس الحلاوة
لازم حبة قسوه
وعشان تحس الغلاوة
الأول نحس العتاب
هتصدقيني لو قلتلك
نسيانك مستحيل
نسيانك لا يعني الغياب
غايبة .. حاضرة
مش مهم
الأهم حرفك هو حرفي
سطرك نفس سطري
مش مهم مين فينا
مؤلف الكتاب
الخلاصه وبأمانه
ترسميني حرف شوق
أجري بسرعه أرسمك
تكتبيني إحساس جميل
بكل حواسي أكتبك
ولما تنادي بسمع نداك
وساعة سكوتك بفهم لغاك
ولما تغيبي
ولما تعندي
برضو إحساسي ديما معاك
