الشاعر محمد عبد العزيز رمضان
احنا أسود عمرنا ما نخاف
مهما يقولوا و يعيدوا
واقفين بشجاعة وحماس
واللي يقرب هنبيدوا
إياك تنسى إننا أبطال
مش بنخاف كلنا واحد
يوم الصعب نعدي جبال
ما فيناش غدار ولا جاحد
روح وانسى إنك يوم هتفوز
أو يوم تنهب أراضينا
انت جبان وخسيس مهزوز
مش هتقرب من سينا
واقفين صاحيبن مش نايمين
مش هنفرط في حدودنا
عمرنا يوم ما نكون خايفين
وما يفرقشي معانا موتنا
الله أكبر علِّي الصوت
قولها بقوة وكل حماس
اللي يقرب راح هيموت
وبرجلينا كمان ينداس
ألفين مرة بقولها واعيد
عندنا جيش بيولع نار
مش بيخاف من لوم ووعيد
وقت الجد بيبقى شرار
قلبنا صلب وعزمه شديد
وكفاية كلام كتر هزار
حاسب إياك م التهديد
هتدوق منا عذاب ومرار
عمرنا ما بنخلف مواعيد
راح تندم لو خدنا قرار
