محمد جمعان الدوسري
يقولون قولك له غموض ويبي تطويع…………………
نبي نعرف اللي في سراديب مشرافه
وانا اقول معنى القول للي يقول مطيع……………………
ومن شييد البنيان يثببت اطرافه
انا البوح في ما شفت فكره مهي تشريع…………………
خواطر لفتني واغلب الناس كشافه
وكلن يقول ومكسبه من هواه
الريع……………………
يغذي هوى نفسه ويكفيه ماشافه
تخير هجوس البوح وساس الهوى تطويع……………………
مثل ما يبيه وكل صب (ن)وميلافه
اذا لاف به قول(ن) تلقاه بالتسنيع………………….
يسابق هوى الملتاع ل طول ارجافه
نديمه خياله والوله في الشجون يضيع………………….
عواصيف وجده وين ما راح طوافه
وجر اللحون اذا لفا مايبي ننويع…………………..
ومن طارف المحبوك للبوح مغرافه
طوارق تنادت حبكها يحتري التوزيع…………………
على كيف مايكتب يناجيه ما لافه
وانا مثل غيري احكم القاف بالتقطيع………………….
واعدل بناه وميلة النفس عرافه
وفي البوح سلوه للخلي مايبي تلميع…………………..
ومن قال قول يحرك الوجد له قافه
