عائشة أحمد
“اطلب من العز مايطري على بالك
لكن على عـز نفسي لا تسـاومنـي”
يا منبع الطيب أنا باقـي على فالك
نفسي عزيزة على القمـة تسابقني
احذر تمس الكرامه واحذر أفعالك
واحذر بـروف الغلا لاجـا اتجاهلني
أبيك مثل القمر سـاطـع بــإجلالك
وابيـك لأجل الغـلا مثلـي تعاملني
ياكيف نرقى سما بالود واصفا لك
وانته بعيد بهواك ولاانت فاهمني
شفت الثريا وشمسي تشرق قبالك
أنا المبـرة لحبـك وانت حـارمـني
ابـتقي شر هجـرك لــي و اذلالك
بالبعد تشفى القلوب ولا تساومني
ياطيب القلب جيت بوارف ضلالك
صنت الغلا يـوم بالأشواق واصلني
واليـوم ماجيت مـامريت في بالك
تبعد وتـدري بان البعــد قاتلنـي
أبي أنتظر لين تعلن صادق اوصالك
واشـوف وهـج الغـلا وده يقابلـني
