الشاعر : محمد عبد العزيز رمضان
ببعت رسالة بقول يا أمي
أدعيلي أنا محتاجلها
لو كل حاجة هتبقى صعبة
راح تهون وأنا جمبها
أول كلامي كان يا أمي
أحلى كلمةنطقتها
أغلى الأسامي جوا قلبي
نبض عمري اسمها
ضحيتي يا أما كتير عشاني
ومين يضحي زيها
بعدك يا أمي نار بتكوي
تطيب جروحي بقربها
وبقول يا أمي انت أحلى
وأغلى حاجة عرفتها
لو خيروني هقول حياتي
مش هتسوى في بعدها
سهرت ليالي كتير تداوي
جرح كان مش جرحها
أنانفسي أشوفها مرة تانية
وأرمي نفسي في حضنها
تحكيلي قصة معاها لعبة
وضحكة حلوة أحسها
عمرك يا أمي ما اشتكيتي
ولا بكيتي بحبها
شريان بيجري جوا دمي
وعمري غالي عندها
شمس لحياتي ونور فؤادي
وكل لحظة حلمتها
