محمد جمعان الدوسري
ماني لصدمات المقدير فراز………………………..
ولا لي على صد البلاوي حواجز
طالعت حولي والمدى كله إحراز……………………
ومن لا يحاذر صار للظيم حافز
أما صبر على الدواكيك وأجتاز…………………….
ولا غدا لوحش الملاوي مبارز
صوادف الايام لوجات أجواز…………………….
تاتي قدر ولا لها من مناجز
لاصرت واعي فخل عنك التطناز…………………….
ولا تصير للممرور شامت وهامز
ولاشفت لك مهموم للحزن مغراز………………………
فحذراك تشمت لاوسمته الغزايز
مثلي مثل غيري على موقد الغاز …………………
يقرب دلاله ولا يهاب لامز
أحد(ن)تراه لطارف الحزن مركاز………………………
وضع على دحل الحمايم ركايز
واحد(ن)يروم الصبر واللهم مفراز…………………….
شيد على درب الغوايل حواجز
سج القدم في روضة العزم تجتاز…………………….
وخل الرجا للي تمناه حافز
ماينفع العاجز مع العجز معكاز……………………
لاصار مكلوم(ن)وشاقي وعاجز
