الشاعر : محمد عبد العزيز رمضان
أنا جندي مصري بعلو صوتي
بقول بحبك من زمان
مهما يحاولوا يسرقوكِ
بقول يا مصر أنا مش جبان
دمي فداك يا غاليه عندي
وغيرك أنت مافيش أمان
في الحرب معروفه برجالك
هما درعك في الميدان
تلقى قلوبهم في المعارك
صخر ثابت في المكان
أنا جندي مصري بعلو صوتي
بقول لأرضي أنا مش هبيع
أنا أبويا ضحى وجدي ضحى
اللي يقرب راح يضيع
أنا جندي مصري يا بلادي
أنت عمري والفؤاد
مش ممكن أبخل يوم عليها
اسمها لحياتي زاد
يا نجمة محفورة ف خيالي
حركت حتى الجماد
والنيل روى الأرض وسقاها
رملها أصبح سواد
بعزيمة قوة جيشها صاحي
شعاره حيا على الجهاد
أنا جندي مصري أيوه واقف
أيوه واقف ع الحدود
عدينا سينا قدرنا نعبر
رغم آلاف السدود
ونادينا قلنا الله أكبر
قلنا مش ممكن نعود
إلا ما ناخد حق بلدي
ويبقى لينا كمان وجود
صرخ العدو وقال كفايه
هزهم طول الصمود
ولابد يوم تلقى النهاية
لكل ظالم أو جحود
