الشاعر: أحمد عبد الحق
أي حد بيحب حد …بيحبه عادي
يشتاق شويه … يبعد شويه
يحن حبه …. يقسي برضو عادي
شويه عذاب …. ولما يحن يعيش عتاب
ولما يجي الشوق يزيد … يختاروا أبسط طريقه
وهي لحظة غياب … كلهم بيحبوا عادي
يقسوا عادي …. يقربوا ..يبعدوا عادي
أنا يا أطهر حتة فيا …. حبي ليك عدي التصور
عدي الحدود …. حبي مكنش حب عادي
ولا أحساس ويخلص … في لحظه عادي
وهوده سر الوجود … هو يعني سهل حبك
يبقي إحساس وعادي …حبي ليك شعور إلهي
متسطر سطور …. متقدربحكمة
أمواج في البحور …. رقة في مشاعر
تجميل في الشعور … صعب أحب غيرك
صعب تحب غيري ….أصل العشق داء
غياب حاضن حضور … لو كان ليا قلب
وأن كان ليا دور ….فأنت كل دوري
يابدر البدور .
