يااخوي

محمد جمعان الدوسري

يا اخوي سهم البوح لاشك ساطي………………..

لا صرت مااحتاله أسهومه قويه

دليت اهوجس والالم لي رباطي………………..

احس وخزه بين روحه وجييه

أسرح مع الهاجوس وابسط ابساطي…………………..

وامسح دموعي بغترتي مع يدييه

بين الأسى والحزن يدوي عياطي…………………..

أنوم وأصحى والبلاوي عصييه

شفني فديتك والأسى لى سواطي…………………

صاطي ألم والحزن أسوم كييه

لا تقول متشائم ومابي هياطي…………………..

مؤمن وراضي والرضا لي هديه

كل ما نحرني الضيم لوكان واطي……………………..

أرفع يدي لله وأبكي شوييه

وأذكر واحوقل واساله للسراطي………………..

يدلني من قبل ما أصبح ضحيه

الله هو اللي لطالب الرزق عاطي………………..

إذا سأله العبد مع صدق نيه

يجبر عناه وينقذه من شواطي……………….

حزنه وضعفه و الدواهي القويه

طرق طرقني قبل وضع النقاطي………..

ودندنت بالمسحوب ونفسي هنيه

وخليت لي من فيضة الوجد شاطي…………………..

لا غابت عنه أشوى أشم فييه