سمير الشحيمى _عمان
منزل صقر
سلمى بصالة المنزل تشاهد التلفاز وبناتها يخلصن ماتبقى من شغل المنزل كانت عنقاء نائمه بجانب سلمى وجراح يلعب بلإيباد أتت حسناء قائله : أنا خلصت تنظيف المطبخ.
سلمى : عفيه على الشاطره تقدري تروحي تنامي حبيبتي باكر مدرسة.
حسناء : هيه نعم حاسه بتعب تصبحي على خير.
سلمى: أنتي من أهله.
بعد قليل أتت شيهانه وترمي نفسها على أقرب كرسي قائله: بسألك الخدامه شو تسوي من شغل البيت؟
سلمى : الخدامه تخلص الشغل الضروري.
شيهانه: ملابسي ما مغسلتنهن عدل وعباياتي وسخات ورحت اغسلهن وتوني مخلصه.
سلمى : أساساً ما كان في وقت عشان كذا ما خليتها تغسل ملابسك عشان باكر من تجي بتغسل ملابسك وملابس أبوك.
شيهانه: بس أنا كنت محتاجه عباياتي عشان باكر.
سلمى : خلاص لا تزعجيني من تجي بكره بخليها تكويهن دامك غسلتيهن واللبسي من عباياتي أو من عبايات أختك حسناء وطاحت السالفه.
شيهانه : حسناء ماترضى بس أنا بلبس من عندك بسير اللحين أختارلي عبايه من عباياتك.
سلمى : ديري بالك اللي تاخذينها تردينها ما أجلس أدور بعدين.
شيهانه : أن شاء الله.
سلمى : أتابع مشاهدة التلفاز.
اليوم التالي بالعاصمة
تدخل رحمة قاعة الإجتماعات بالمؤسسة ووقعت عينها على الحضور فوجدت صقر من ضمن الحضور فبتسمت فقال صقر : لو أدري أن حضوري على الوقت بيخليك مبتسمه كان أول شخص أداوم مع حارس المؤسسة.
رحمه تبتسم : مافهمت عليك الأخ صقر.
صقر : سلامتك أستاذه رحمه.
رحمه : عيل نبدء دام اليوم آخر يوم لنا مع بعض بهاي الدورة التدريبية ، في تسليم شهايد ووجبة غداء قبل عن تروحوا وترجعون إلى أفرعكم بولاياتكم.
الكلية
شيهانه تتكلم بالتلفون بجانبها نادره ولما أنتهت قالت لها : هاي شيخه حجزت فستانيين من عندي.
نادره : والله شي حلو ربي يوفقج حبيبتي.
صوت مسج بهاتف شيهانه اللقت نظره على المسج فقالت لنادره: وصل مبلغ الفساتين سريعه شيخوه.
نادره تضحك : راعية فلوس ، بس وينها شيخه ليش تتواصل معاك بتلفون ماجات الكلية اليوم؟
شيهانه : اليوم هيه مب مداومه.
نادره : أها اوك ماعلينا منها كيف أنتي جاهزه لمت البنات باكر؟
شيهانه: أكيد جاهزه وبقوه.
نادره : حلو وهيه فرصه انسوق لفساتين اللي تبيعيهن.
شيهانه : أقوى شي.
مدرسة حسناء
استراحة الطلاب حسناء تتناول وجبة الإفطار مع زميلاتها وكلمتها زميلتها أروى : حسناء أشوفك اليوم جايبه محاشي بروحك مسوتنه؟
حسناء : هيه أحب أسوي محاشي وأحب ورق عنب كثير.
أروى : أعطيني أجرب.
حسناء وزعت على زميلاتها.
أروى : واو طعمه لذيذ وناطع حبيت بصراحه.
زميلتها الثانيه أسيل : بصراحه ولا غلطة ما شاء الله عليك.
حسناء : عافيه عليكم.
أروى : أريد منه هالويكند إذا تقدري تسوي منه.
حسناء : أقدر لكن أتاجر فيهن.
أسيل : بكم؟
حسناء : 10 حبات بالصحن بريال.
أروى : أنا أبي بثلاث ريال.
أسيل : وانا بعد نفسها.
حسناء : تمام بس الدفع قبل كل شي.
أروى : ما تثقي فينا.
حسناء : حبيبتي هاي تجاره بعدين تكنسلن الطلب ماشي فايدة.
أروى: أوك تمام.
حسناء تبتسم.
الكلية
باشق وشاهين جالسين مع بعض وقال باشق : بسألك شاهين اللحين باقي أسبوع وتبدء امتحانات حسناء الإختبارات النهائيه والصغار خلاص هالأسبوع مخلصين عنقاء وجراح من مدارسهم شو رأيك نشور على الأهل أنه انسير صلاله بالخريف.
شاهين: شور طيب بس تعرف مصاريف السفر والإقامة هناك تكلف تعرف موسم سياحه وأنت خلاص آخر سنه لك، بس أنا وشيهانه إحتمال ناخذ صيفي بالكليه.
باشق : ياخي أنت وشيهانه شو تبون فيه الصيفي خلوها الدراسه من بعد الإجازة ليش تضغطون على نفسكم.
شاهين : إذا أنت لك بارض لدراسه أنا مالي بارض بدراسه الود ودي أخلص اليوم قبل باكر أريد أشتغل.
باشق : صدقني السنوات تمضي ماراح تحس إلا وأنت مخلص.
شاهين : ماله داعي تقدر تروحون من دوني أنا بجلس أخذ صيفي.
باشق : إذا مارحت أمك ماراح ترضى تخليك بروحك.
شاهين : انا مب ياهل عادي راح تقتنع.
باشق : أنت فكر فيها ولا تخرب خلينا نروح نستانس.
شاهين يتبادل نظرات مع باشق.
اقراء أيضا: عاعائلة صقر… الفصل السابع
يتبع….
