محمد جمعان الدوسري
أسري مع حزوني إذا ماتصافت…………………
تايه وادور لي خيال(ن) اخيله
وأنا مثل غيري إذا النفس رأفت……………….
اشيل شيل(ن)هدني اليوم شيله
وطالع ادحول(ن)مع الوجد نافت……………………….
وضاعت عليي و أصبحت مستحيله
وأنا على رجمٍ بعيد(ن) تجافت…………………..
فيه المراوي والأماني عليله
واقف على رجم الأمل ويتهافت………………….
عليي هاجوس الحمول الثقيله
إذا هدقتني ودمعت العين طافت………………..
من المحاجر وصار دمعي مسيله
عطشان راحة بال بس اتلافت……………………
أبي غدير(ن)بارد(ن) سلسبيله
ولا خوي(ن)لا نخيته تشافت………………..
بالود نفسي وكلما تهت أجي له
