محمد جمعان الدوسري
تسرى هواجيسي مع الوقت وتعود……………………..
عليي بأفكار(ن)تزاحم عديده
وأنا أبرق في فضا الكون ويزود …………………
مسيال سيل(ن)مالحقنا مديده
مابين سجات(ن)على الخاطر اتنود ………………….
وأحلام ولهان(ن)تضعضع رصيده
في مهم(ن)ناز(ن)عن الناس ممهود…………………
مع خلوة الملتاع لأنفك قيده
والجو صافي والهوى العذب مشهود……………………
وريح الخزاما والنفل في قصيده
والجو يكتب في مفاليه عبرود………………
يزاحم السلوه ويبني جديده
ما في الشعاب وراحت البال مضهود……….
لا سرت في ضلع(ن) إرجومه تليده
أو جيت للمشراف من بعد مجهود……………
والجو صافي والمكاشت رغيده
ودفنت همك في مد(ن)ماله احدود…………………….
وسافرت بأحلام تطارد فريده
فجرر اللحون اللي تلاحيك وتعود……………………..
وخل المكان يردد اللي تريده
