محمدجمعان الدوسري_ الدمام. الشرقيه
وهج المروه صاحبك بأن خافيه……………………
وأرسل دموعه في وله مع بريده
وأستلهم الماضي وبانت خوافيه……………………
والقلب نادته السنين الرغيده
وجات الطلول السالفه من فيافيه…………………….
وأحيت هوى ذكرى(ن) قديمه تليده
صورة زمان راح وما غاب ما فيه……………………
من الهوا الطيب ونسنس مديده
جاني وأنا ولهان وياطيب لافيه………………..
ويوم أبتسم لي قمت الاحي رفييده
وشفتك على رجم المحبه تحافيه………………..
من طيب ذاتك والخصال الحميده
وصدق الموده كيف انساه وأخفيه؟…………………
لاصار صالح جالس (ن)في حميده
يمضي الزمان بشوق ويطيب لافيه…………………….
ونقطف زهور الود من بين حيده
على طريق(ن)طاب لي في تصافيه…………………..
مشيت يمه والمراوي طريده
والبوح نادى مامضى في قوافيه…………………..
ومع جرة المسحوب جات القصيده
