الشاعر : محمد عبد العزيز رمضان
يا أرضنا ليه حزينه
والدمع غرق عيونك
مش لاقيه للشط مينا
محتاره كترت ظنونك
والله غالية علينا
وبروحنا أيوه نصونك
مرسى لقلوبنا وسفينه
والجلد مرسوم بلونك
يا أرضنا راح تعودي
ويعود معاك الأماني
يا أرض أهلي وجدودي
مش راح هتكفي الأغاني
ولابد أثبت وجودي
والأرض ترجع لي تاني
عايش أسير فوق حدوي
وعدو ظالم أناني
بدعي في صلاتي وسجودي
ألقى طريقي ومكاني
بكرا هحطم قيودي
مش هرضى خوفي وهواني
يا أرضنا بعلو صوتي
هصرخ وأقول لأ كفايه
وبإيدي ههزم سكوتي
والفرح يبقى البداية
أنا راح هعيش رغم موتي
مش راح تكون النهايه
