الشاعر محمد عبد العزيز رمضان
هسافر هسافر
وهبعد بعيد
وهركب لوحدي
بقلبي الوحيد
هفارق حبايب
يا قلبي
اللي غايب
ومهما هقولك
خلاص ايه يفيد
هسافر هسافر
برغم الوعود
عشان حبه
كدبه
وملهاش وجود
وهبني ما بِنَّا
حبيبي سدود
هسافر وهنسى
حبيبي اللي فات
خلاص كل كلمة
بقت ذكريات
وصعب إن ارجع
حبيبي اللي مات
هسافر هسافر
وهنسى اللي باع
ومش هرضى افكر
ف كل اللي ضاع
ودوقني قسوة
وظلم وخداع
هسافر هسافر
برغم الدموع
ومهما يحاول
محال الرجوع
رماني بغدره
وطفى الشموع
هقوم رغم خوفي
ورغم الوقوع
هسافر هسافر
ومش مستحيل
ألاقي اللي فاتني
وعمري الجميل
وأرمي همومي
وليلي الطويل
وأرسم طريقي
بشوقي العليل
وبعدي دوايا
وهو السبيل
