محمد جمعان الدوسري
مادام لك قلب(ن) عن العيب لوام……….
وما دام لك نفس تروم الحشيمه
ومادام لك عزم(ن) على الطيب روام…………
ومادام لك حزم(ن) قديم وعزيمه
ومادام لك فكر(ن)يقديك ما نام……………….
وعين تشوف وخطوة(ن)مستقيمه
ومادمت تعرف حاجتك وانت جزام…………..
وتحاذر تدوس البلاوي ألاليمه
ومادمت تعرف مايسرك ولوشام……………..
ومادمت من ذيك القلوب الرحيمه
ومادمت تبغى الزين لولفه اعسام…………
وترقى المكارم والرجوم العظيمة
فابشر بخير(ن) وافي وكله انسام……….
فعلك وفعل المرء يعطيه قيمه
واقطف عناقيد الشرف
وانت مقدام……….
فالعمر يمضي والليالي غريمه
واللي يتوقا لطمة الوقت لا لام…………
نفسه على اللي فات منها تظيمه
ومن لا يجهز عدته هده اسقام………………
مر الحياة وذلها والهزيمه
العمر مهما طال ساعات وأيام………….
نصبح ونمسي بين حزن وغنيمه
فاحرص على فعل(ن)توشح به أوسام………
وهتان وبل الخير يرزم رزيمه
وخلك مع الله وين مارحت من هام…………
في طاعة الله فاض بالخير غيمه
