الشاعر محمد عبد العزيز رمضان
ولسه ياما بحلم بيك
ولسه ياما بتكلم
وياما عيني جات في عنيك
وياما يا ما بتألم
وقلبي يا قلبي دايب فيك
عليك يا حبيبي بيسلم
وليل ونهار ينادي عليك
وفاكره إنه متحمل
ولسه بنَّا أحلى كلام
وصعب حبيبى عني يغيب
وشوقه ولهفه ألف سلام
دوايا وروحي ليا طبيب
يا قصة حب بحر غرام
يا طاقة نور لقلبي نصيب
يا أغلى حقيقه مش أحلام
يا دنيا أنا ليا فيك حبيب
ولسه بحلم إنه يعود
ويرجع تاني بعد غياب
وما يفرقشي بنَّا سدود
كفايه كرهت لوم وعتاب
وكان بنَّا كلام ووعود
قفلت ما بنَّا مليون باب
وكنا زهرتين وورود
طلع حلمي أمل كداب
ولسه بحلم إني أكون
معاك عمري نروح لبعيد
بحبك حب بيك مجنون
معاك ببقى حبيبي سعيد
يا أجمل حب أحلى عيون
يا نسمة رقيقة لونها جديد
