محمد جمعان الدوسري - الدمام
(ماكل ما يطرى على البال ينقال)…………….
بعض النفوس بما تقوله جهوله
حكمة وجازت لي وأشرف له البال…………………..
وراعي البصيره يعرف اللي يقوله
بعض الكلام إن طاب يوزن بمثقال………………..
وكل(ن)بما يعرف يحمل رحوله
وأنا أباري الزين في قول من قال……………………
وإن جاز لي فتله ف بسرج خيوله
وأطالع الفارع وأشيل ماشال………………..
وإن فاتني علم(ن)اباري رسوله
شفت الكريم وصاحب الدين والبال………………
صاحي ولا أفخت فعول الرجوله
بعض الكلام مجمل(ن)ما به اشكال…………………
لاصرت تعرف كيف عرضه وطوله
وبعض الحكي مثل الهبايب تعلال………………
يقوله اللي ما ينوخ ذلوله
الزين يبقى ينتقل بين الاجيال……………….
حكمه وتروى ومن جهلها تهوله
السيل لو ما له شواعيب ما سال……………………
والرابح اللي يزرع الخير حوله
حديث نفس في تلافيفه أمثال………………….
من طيب نقله كل طيب يقوله
