الشاعر محمد عبد العزيز رمضان
يا دنيتي لسه
الضحكة جوايا
مهما الزمن عدى
موجودة ومعايا
هرسم سنين عمري
قصة بلا نهاية
يا رحلتي هدي
واستني ويايا
يا دنيتي نفسي
أنسى كدا خوفي
أنا تهت من نفسي
وكلامي وحروفي
يا دنيا مش ناوي
أرجع وأقول تاني
تايه في أحزاني
هو اللي بكاني
هو اللي سهرني
وبإيده ورماني
يا دنيتي كانت
عمري وأحلامي
طب ليه كدا خانت
ما صنتش أيامي
يا دنيتي داوي
آلامي وجروحي
أنا أصل مش ناوي
أكدب وأقول روحي
روحي خلاص ماتت
ما فضلشي غير نوحي
يا دنيا غدارة
جواها ميت صورة
دايرة ودوارة
يا مراية مكسورة
