الشاعر محمد عبد العزيز رمضان
سمعتك وأنت على بالي
سمعتك وأنت مش موجود
سمعتك وأنت ولا داري
ونفسي ترق نفسي تعود
حلمت بأنه يوم جاني
فرشت طريقه كله ورود
يا ألف خسارة دا أناني
طريقه بجد كان مسدود
وسبني بقسوة ورماني
برغم كلام ورغم وعود
وضاع عمري في أحزاني
وحبه خداع ومالو وجود
ناديتك بس مش راضي
تقول يا حبيبي أى كلام
كأن الحب كان ماضي
كأنه حبيبي كان أحلام
حكم وكأنه كان قاضي
لاهمه دموع وكتر ملام
قابلتك بس مش عارف
قريب يا حبيبي ولا بعيد
حقيقي بجد أنا خايف
أعيش تاني في وهم جديد
وشايفك بس مش شايف
ندم ولا خوف بكا وتنهيد
نسيتك بس مش ناسي
بأنك كنت يوم كداب
ظلمت وكنت ليه قاسي
وكان الغدر ليك غلاب
