رابية الاحمد
تسعين يوم و غايبة عني
معقولة هيك يصير ماتحني
ندرت شمعة وشعلت بخور
والروح تلفت القلب مستني
حبيت فيك لونك الأزرق
نهاري قهر من دونك بيمرق
قلبك قسي وماعاد عم تفرق
عندك حدا لو عاش بالوني
بفيق الصبح بكير اندهلك
القهوة هجرتا من بعد فعلك
غنج ودلال كتير لابقلك
تعيشي أميرة وبوسط جنة
بتتذكري قديش داريتك
بقيتي شهر والروح سميتك
اهلا وسهلا مطرحك بيتك
وبعدا تهجري هالبيت وتجني
رح أوعدك وعنك مارح خبي
حافظ عليكي ليفرجا ربي
العيشة بلاك قاسية وصعبه
بعدك عذاب وقربك الجنة
