رابية الاحمد
ليلة مطر
برد ومطر والجو شتوية
شفتو بعتم الليل يندهلي
تيابو مشقشقة وعم يركد عليي
قلي مساكي الرب يسعدلي
ونزلت دموعو…وشوصعبت عليي
لما عالبرد والجوع يشرحلي
أنهد الجسم وظروف قاسية
لو نتفة خبز .هالرب يبعتلي
وشي موقدة وشي نار حامية
دموعي ع خدي ماعاد تسمحلي
قلبي أنحرق ع طفال منسية
حلما الدفا وشو مصعب القلة
دخلك يارب الكون مافية
أحمل حزن وجراح يادلي
لقمة مغمسه بالدم يا خية
وصار الألم والهم لابقلي
حاجة يادنيا حملك عليي
كافي اللي فينا صار مو سهلي
ناس معترة وجياب فاضية
