الشاعر : أحمد محمد حنَّان
هتصدقي لو قلتلك
نسيت كل اللي فات
حتي عمري إللي حسبته
والكلام اللي كتبته
والحلم اللي حلمته
حتي اللي كان من الذكريات
هتصدقي لو قلتلك
كل اللي عدي عدي
كله اللي عشته
حلم متلف بسكات
صحيح كنت عايش
ملامح منزوعة الروح
حس ومليان بجروح
قلب مقسوم
حرف محروم
إحساس ورافض في يوم يصدق
شمس ناقصها الوضوح
هتصدقي لو قلتلك
غيرت كل الحاجات
إحساسي بيك
والله ماعارف أوصفه
حرف جميل
ياريتني أعرف أكتبه
الورد اللي في عيونك
شامة ومرسومه بخدك
والله ماقادر أرسمه
بحبك أيوه بحبك
تسكني قلبي
لالا أسكن قلبك
تعيشي ظروفي
تبدلي خوفي
أنا بأمانه ..بصدق بحبك
قصص الحب ياما قالوها
عبله وعنتر
ليلي وقيس
والله أنا أكتر
حبك عندي وبكل وضوح
عدي كل الأزمان
تجاوز كل المقاييس
هو الحب عشان يتعاش
لازم أحاسيس
مش قلم ومعاه برايه
ولا كراريس
توب متفصل بمشاعر
أصلي أنا شاعر
رافض أكون غيرك
كتر خيرك
ممكن أقول حاجه في قلبي
أنت توبة نصوحه بعمري
وكمان قدري
حسي مشاعري
صعب حبيبتي يتوب العاصي
صعب بحبك يتوب إبليس
