المهدي تركي الرياحي
إلا يالله يا اللي كل ما فالكون ملك أيديه
سبحانك وأنت علام الغيوب وتعلم الأسرار
إلهٍُ تعلم اللي تظهر الأنفس وما تخفيه
وحنا تحت تدبيرك وما تاتي به الأقدار
يا ربي يومنا هذا ماندري ويش يحصل فيه
عساك أتزيدنا فارزاقنا وتزيد فالاعمار
ترانا مثل زرعك يالكريم ورحمتك تسقيه
بعد مدة يجي وقت الحصاد وينتهي ماصار
وتبقى أعمالنا واللي عمل له عمل ينظر فيه
نهار الحشر كلٍ من كتابه شاخصٍ محتار
هذا تشهد عليه عيونه وهذ أتشهد عليه أيديه
وهذا يشهد لسانه في نهارٍ تشخص الأبصار
يقف مذهول والمسكين يشهد كل شيً فيه
واحد فوق الصراط يروح للجنة واحد لنار
ياربي كم نتوب من الخطأ ونعود نسويه
من إبليس الذي منا تبرأ باخر المشوار
لكن الأمل في لطفك وعفوك كلنا نرجيه
لحيث إنه من أسماك الكريم المعطي الغفار
وعسا من مات منا من عذابً فالقبر تنجيه
وتدخلنا جنانٍ من تحتها تجري الأنهار
