رابية الأحمد
وداع أيلول
رح ودعك بالخير يا أيلول
وخلي ببالي دوم هالذكرى
دبل الحبق والورد والمحصول
وتشرين رح نتستقبلو بكرى
جاي وع جنحو طير هالزغلول
يرندح فرح موال بالسهرة
حكايات جدي وسهرات هالمنزول
العيشة هنية ما نشعر بحسرة
وصوتك ياستي بيشفي قلب معلول
تغني عتابا وأوف بالفطرة
وشال الصبية بالدهب مشغول
فرفح نبض هالقلب من عطرا
وع هاك المسطبة منجمع المغلول
ومونة كوانين بتضل عالشجرة
نفرفط عنب ومن كرمنا منقول
شهد العسل مليان هالجرة
طعم العسل هالتين والهبول
بيشفي العليل لو كان بالسكرى
يرحم تراب الكان عم بيقول
يوم المضى مارح يجي بكرى
بقلمي رابيه الأحمد
