المهدي تركي الرياحي
لو تقنع اللي يجادل في القضايا مجال
خله على راحته قدام لمس الخشوم
البعض منهم يجيب السالفة بأفتعال
متولمٍ لدفاع و جاهزٍ للهجزم
لاشفت بعض السوالف صار فيها جدال
خليت مجلس مجادلة السوالف وأقوم
وسريت مع هاجسٍ يحب مسرى الليال
واليا سرا يستدل بساريات النجوم
لا أرضٍ تضاريسها وديان بين الجبال
قفرٍ خلا ما يجيها أ غير طيرٍ يحوم
الصيد فيها ونبعٍ عذب صافي زلال
والعشب مثل المزارع فوق روس الحزوم
الأرض والجو ونجوم السماء والخيال
أجمل متاع النفوس ويبعدن الهموم
به راحة النفس و العشق البرئ الحلال
في خوة الصادقين الطيبين القروم
أخير من مجلس اللي فيه قيلٍ وقال
اللي ماتلقى وراهم غير شين العلوم
إن جيت تسمع لهم ما تسمع إلا الهبال
ماتعرف اللي جلس منهم من اللي يقوم
