المهدي تركي الرياحي
يجعل بعض العرب لا أغتاض ما يرضى
انا اشهد انه يجي في غيضته خيره
قدامه الارض كبر وطول مع عرضى
يأخذ عليها وهو زعلان تدويره
ارضاه مهوب ربي فارضه فرضى
عساه يقفي و شره يتبعه خيره
لكن لاصار لي في الدرب معترضى
نطاه ونروح ناطي معترض غيره
يا نملة الارض موتي داخل الارضى
النمل لاكثر والله ان يفسد الديره
مارب فجر سدها فارٍ قرض قرضى
لين انفجر واختلط ماه ومعاصيره
من ينشب الناس ماله عندهم غرضى
ياربي ان تنشبه في سؤ تدبيره
عجزت لا افهم نفوس العالم المرضى
اهل الحسد والقلوب السود والغيره
