قبل طرح الفيلم بساعات.. منى زكي توجه رسالة خاصة لفريق عمل “رحلة 404”


خديجة قطب
نشرت الفنانة منى زكي على حسابها الخاص بـ”إنستغرام” بوسترات الشخصيات التي تشاركها في فيلم “رحلة 404″، قامت من خلالها بتوجيه رسالة شكر لكل فريق العمل، وذلك قبل ساعات من طرح الفيلم بشكل رسمي في دور العرض.
وكتبت منى قائلة: “أحب أوجه الشكر لفريق فيلم “رحلة 404″ الرائع اللي استمتعت جدا بالتعاون معاهم.. أنا حقيقي حبيت تجربتنا سوا، واستمتعت بيكم ومعاكم وبمواهبكم الجبارة اللي أضافت لي وأضافت للفيلم ككل”.
وأضافت “شكرا لزميلي النجم محمد فراج صاحب الموهبة الكبيرة، واللي قدمنا سوا أعمال ناجحة قبل كده، ويارب الفيلم ده كمان يكون له نفس الحظ من نجاحنا المشترك.. وأيضاً زميلي العزيز محمد ممدوح (تايسون) اللي بحب وبحترم فنه وموهبته لأقصى درجة، ووجوده كضيف شرف في الفيلم كان حاجة كبيرة أوي بالنسبة لي، وطبعًا النجم الكبير والممثل اللي دايما بنستمتع بحضوره خالد الصاوي”.
وتابعت: “وطبعًا الممثلة الرائعة شيرين رضا اللي نورت الفيلم بجد والمتميز للغاية محمد علاء.. وأكيد كل الشكر للسيناريست الموهوب محمد رجاء اللي كتب نص حقيقي مختلف وإنساني و بابداع حقيقي، وأولًا وآخرًا شكرا للأستاذ المخرج هاني خليفة على مجهوده وإيمانه بالمشروع وتوجيهاته ورؤيته المهمة دايما”.