ملحمة الدموع

لأن الذكرى لا تموت ……ةلا

لأن الذكريات هي مستوعب الحاضر

ولأني أعيشها رغم مرور السنين أعيد قرائة

 

لفنا بعد العشاء علم حزين ………………

حرك الشارد وفاختني الكنين………………..

وصرتنا تايه ولا زمني الأنين……………….

والشجون تسابق أعيوني عليه

 

والشجون المجدبه تقول ليه………….

تاه بي شبحي وأنا ماسك يديه …………………

شارد(ن) ذهني وأنا اروح واجيه…………………

وكبلتني حالتي بحرن عظيم

 

وكبلتني حالتي والله عليم……………….

قيدت رجلي وخلتني حطيم ……………….

والحشا والقلب من وجدي هشيم ……….

والدموع بمحجر عيوني تضوع

 

والدموع ترخ من عيني وتلوع………………….

وصدمه المرور ياربعي تروع……………………

أمر ربي نقبله وحنا خشوع………………..

مسللمين بحكمة الله الجليل

 

مسللمين ومؤمنين ومانميل………………..

من جزع أو لج في عزمه ضليل…………………….

شت به حطه ومن جهله عليل…………………..

والسعيد اللي نجا يوم الحساب

 

والسعيد اللي تخطاه العقاب……………….

لا غدا عزمه أسى وشاف العذاب…………………

وضاقت الدنيا وجانبه الصواب………………..

والأسى والحزن من روعه يعج

 

ولأسى والحزن جا من كل فج ………………….

ووحشه المرور من قلبه تهج ……………………

ساعة تغطش وساعه تستليج…………………

يا(علي)وش لون روح؟؟ واستويت

 

يا(علي) قل لي وين (الغالي)؟؟وهويت……

تهت في نفسي ولكن ماغويت…………………

ودون ماادري تلعثمت ودويت……………………

والفجاج تهوج والدنيا تروج

 

والعجاج يلج في نفسي ويموج………………….

والحزن يشري على القلب ويهوج…………..

من كبر ماشفت خلاني أدوج …………………..

ماقدرت أقوم من الكرسي وركست

 

ماقدرت أقوم وفي القيد انتكست………………..

يوم قال (سعيد)ودوه انحبست…………………

في مكاني كني في جب(ن) غطست………

واجم(ن)حالي وانا اصرف صريف

 

واجم(ن)حالي ولا في الامر زيف………………

مااجاوز وحشتي ولا احيف …………………

وصار هذا اليوم في نفسي مخيف ………..

يوم شفت (أبوي)راقد في السرير

 

يوم شفت(أبوي) صارالحال غير ………..

في سكون الذل لله الكبير…………………

وفي خضوع الطاعه الكبرى أسير…………..

وكل من حوله شرب له كاس حزن

 

وكل من حوله خذا من الحزن مزن……………..

غصب عننه لاهب الاحزان زن ……………

وضاع تفكيري وجاء للهم وزن………………

ووحشه الفرقا عدت فوق الرغاب

 

ووحشه الفرقا غزت قلبي وذاب…………

وإخنقتني عبرتي من ذا المصاب……………

ولج بي حالي وجانبني الصواب…………………

وقلتنا بسررعه وقولي اذكره

 

وقلتنا وقولي ابد ما انكره………………….

راح (أبو مبارك) عساه المغفرة………………

صارع الدنيا بعزمه ماأصبره…………… ?!!!

جعله الجنيه ويلقاها سهود

 

جعله الجنه وخلق الله شهود…………………….

منعم فيها من الخير ويزود……………………

في نعيم دايم ماله حدود……………………

ف جنه الفردوس بأنعم المكان

 

ف جنه الفردوس ينعم وين كان………………

تشرق الرحمه على قبره أمان………………

لا تعب لأحزن في جور الحسان…………………

لاهموم(ن) تذهب الرأي السليم

 

لاهموم ولا غموم ولا وجيم ……………….

لا جفا لا حقد لأنم(ن) أليم ………………

لا زعل لا كره لاقول(ن) أثيم ………………….

ورغم كل الي عرفته انحسرت

 

ورغم كل الي تبين ما قدرت………………..

أتحمل ماحصل لكن صبرت………………..

الزعل والحزن مجبول وذكرت…………………

وبعد هذا لفني حزن كبير

 

وبعد هذا صرت في همي اسير……………….

لاهبه يشري وانا كني حسير…………………

في قيودي مربط(ن) مااقدر اسير…………..

لوعه الفرقا خذا فكري معاه

 

ولوعه الفرقا دهتني كيف أراه………………. ولفيف الحزن ماادري منتهاه………………….

كني في قيد(ن) مقيدني أساه………….

ماقدرت أقوم وضيعت الطريق

 

ماقدرت أقوم وأنا كني غريق………………

وإنحبس روعي ولا ادي كيف افييق……………

في لج بحر طامي مابه رفيق……………………

وفي هزيم الوحشة العظمى غديت

 

ومن سكون الوحشة العظمى بكيت………..

يوم شفت(ابوي) في حاله هويت………….

ماقدرت أقوم وامشي وما غوويت………………..

وضاع مني العزم ماادري وين اروح

 

وضاع مني العزم حتى صار فوح……………..

وانحبس صوتي ولا أدري كيف أبوح………………

وكل من حولي قعد مثلي ينوح…………….

المصيبه كبرها مااقدر عليه

 

والمصيبه صعبه ولا تقول ليه ……………. الحزن في داخلي أعيش فيه……………………..

ساعه يظهر وساعه احتريه…………………

كيف لا واللي رحل عنا عزيز

 

كيف لا وللحزن في قلبي وزيز……………

وللدموع فخلوة الممرور عيز…………………

وعدت بالنجوى الى الله العزيز …………..

خالقي المعبود رب العالمين

 

خالقي المعبود الله المعين……………..

العظيم المقتدر في كل حين…………………..

الرحيم البر لاتاه الحزين…………………..

وضاق به حظه وهو فجو المصاب

 

ومالقى حوله وقربه اي باب…………………….

غير باب الله للمؤمن مآب ……………………..

لاغدا في القبر ماعنده زهاب…………………

اطلب الرحمن يرحم من اتاه

 

طالبك يارب (لابوي ) النجاه ………………

من لظى الحاطم وترفع منتهاه………………….

وترحمه يارب وذي غاية رجاه……………

لاغدافي حشة المحشر وحيد

 

ولاغدا في ساعة الوحده سعيد …………

فذا هو المطلب وهو احسن رصيد ………….

لاولد لا مال للحصن شديد…………………….غير لطف الله ذو الفضل الرحيم

 

باسط الانعام البر الكريم………………

جابر العثرات الله الحليم ………………..

العليم مخلصه من كل ضيم …………………..

غافر الزلات المعطي المغيث .

 

غافر الزلات لاتاه الحديث………………..

لانصاه العبد واجم مستغيث ………………

من هموم ووحشه الوقت الغثيث …………………

جعل فعله في مماته له ربيع

 

وجعل ماقدم من أعماله شفيع…………………….

عند ربي كل شي مايضيع………………….

يازبون الصبر احسنت الصنيع ……………….

ورأيتك بيضاء ومايضيع الذكر

 

ورأيتك بيضاء بصبرك والشكر ………………. والثناء لله وإحسان الفكر …………………..

وكل ماأخفيت عنا و استتر ………………….من اعلوم طيبه وعزم حديد

 

من اعلوم كل مافيها مفيد……………….

لاتكل ولاتمل وتستزيد…………….

من طاعه الله رازق الخلق المجيد……….

والتجلي يتبعك من وين رحت

 

يتبعك فضل من الله وربحت………………..

وفِي جنان الخلد يا(ابوي) استرحت…….

وفي رحاب الفوز يا(أبويه)فرحت………

عند ربي في نعيم الخالدين

 

عند ربي كل مانلقاه زين……………………

في رحاب الحمد ماتلقى حزين……………….

وانت مرتاح(ن)وفي حصن حصين………..

امن(ن)في فضل رب العالمين