يا أمي يا أغلى من عمري

بقلم : الشاعر محمد عبد العزيز رمضان

١-يا أمي يا أغلى من عمري

بحبك وأنتِ جوايا

2-ومن غيرك أنا ما أسوى

يا كل سعدي وهنايا

3-وشلتيني وأنا ببكي

ومن عمرك وهبتيني

4-سمعتيني وأنا بحكي

سهرتي الليل تسليني

5-ومن أوجاعي يا أمي

ما فيش غيرك بيشفيني

6-لأنك أنتِ نبع حنان

ومن نبعك بترويني

7-ومهما بعدت يا أمي

دعاكي معايا يحميني

8-ومهما كبرت يا أمي

أنا محتاج تضميني

9-وتحكيلي كمان حكايات

وبعدك عني يكويني

10-وياما دريتي عني دموع

ومن فرحك بتديني

11-وجعتي عشان أنا أشبع

ومن أوجاعي تشفيني

12-بحبك أيوة يا أمي

ونظرة عين بتشجيني

13-وصوتك كله دفا وحنان

وعمرك يوم ما تنسيني

14-وحبك ليا سر أمان

ومن غيرك بيهديني

15-ونفسي بجد يا أمي

تمدي إيديكِ تاخديني