نهى عراقي
فينك يا حب فينك من سنين
وردي دبل عطشان سنين
عايشة زمن في بلاد الحيرانين
فارقتنا لا مرسال ولا شوية حنين
اشتقنا نحكي للقمر ف نوره سهرانين
وكان بدل القمر قمرين
فينك يا حب فينك من سنين
هجرت عشنا ودوبنا الحنين
فين حبيب عمري سابنا حيرانين
رماني ف بحر عنيه بغمضة عين
توهني ونسيت أنا مين
ولا حتى رايحه فين
رمشه حضن قلبي وراح الأنين
يا خسارة على يوم كنا قريبين
ومهما نسافر نتواعد إننا راجعين
فينك يا حب فينك من سنين
آه من لسعة بداياتك لقلوب العاشقين
عيني علينا ع الحب وعذابه ملهوفين
عذابه ولوعته دول جنة العاشقين
طيورك يا حب ليه عننا بعيد طايرين
هجرت طيورك عشنا وفاتونا مشتاقين
ومن الود واللُقا والحنية محرومين
آه م الحنين ونار الشوق وعطش المحرومين
فرح قلوبنا يا حب أهديك من الورد بساتين
قلبي يتيم وليلي غربة ودبل الفل والياسمين
فينك يا حب فينك من سنين
