محمد جمعان الدوسري
يوم الوطن في القلب حبه تربع…………………
في الروح حتى صار فينا طبيعه
فرض(ن)علينا الحب ماهو تصنع……………………
وحنا فداه و نحرسه ما نبيعه
نحمي حدوده من عدو(ن) مقنع……………………
بصدق العزيمه والحصون المنيعه
من لا يعز الدار وش لون يرتع……………………
في روض خيره ياعساه القطيعه
همال وبل الغيث في البيد الاسفع…………………….
يحيي موات القوع ونجني ربيعه.
لسال مسياله من الخير أينع………………………
حتى رقى عالي الجبال الرفيعه
وسقى هشيمٍ القاع من كل منبع…………………..
ولا مره الساري يعشى قطيعه
هو منية اللي في ربوعه ترعرع…………………….
واصبح وأمسى في أعالي الطليعه
واصبح هوى باله اذا ما تفزع………………………
يعطي بلاده فوق ما يستطيعه
محدٍ عن أنجوع(ن) ولفها ترفع……………………..
الا ردي(ن)له نوايا (ن)وضيعه
ارضك ولو كانت من البؤس تجرع…………………..
يبقى لها ذكرى يناديك ريعه
وانا بحبي إل بلادي مولع………………….
اعشق ثراه واحرسه ما ابيعه
دار لها في القلب حب ترعرع…………………….
من الصبا في عيالنا والرضيعه
امن وامان ومن قديم (ن)تجمع……………….
وفي اقلوبنا حب الوطن بان فيعه
وش لون لا صارت مغانيٍ تضووع…………………..
فيها معاني البذل وروح الشريعه
نهضة وطن وفضل ربي مشرع……………………..
إمامنا لا أشر علينا نطيعه
طاعة محبه للقياده توزع……………………
وفي قلوب شعب المملكه هو وديعه
