محمد جمعان الدوسري
قفلت باب(ن)للعتب كان مفتوح……………………
وفتحت أبواب التغافل ولا زلت
متغافل عن قول من قال والروح…………………
سمحه ولو جرحي عطيب(ن)تبتلت
ومن حط ربه بين عيينه لا ينوح…………………….
وأنا كذا لا ناشني سهم حوقلت
وذكرت ربي فخلوتي وعنه ما أشوح…………………..
هو الملاذ وغايتي وبه توكلت
ما أقول إني ما تألم ولايفوح………………….
صدري من الأحزان لامن تعرقلت
لكن أزايم حمل ماشلت وأروح……………………
وحدي إلى المرواح وأبث ماطلت
وأسري مع الهاجوس من وين ماأدوح……………………
وإن لزني حزني مع الضيم ماعلت
بيني وبين الجهل ودروبه أصروح………………….
ولو زاد ما بي من التلواع ما ملت
هذا أنا والناس راجح ومرجوح………………..
واللي يحس وحي يقول ما قلت
ويرفع يديه في ذل والبوح مسموح…………………..
في حزة الصدمه إذا ما تألمت
ساعة تأمل قلتها لكل مجروح…………………..
وإللي وعناه الضيم أو شال ما شلت
