محمد جمعان الدوسري
في خلوتي لا أغطشت ولا تنومست……………..
يفيض القريح ويطيب تشييد مبناه
وإن ضاقت الحيله علييه تلمست………………..
مخرج ل.زاد الحزن وهمي تقفاه
وبعد الأسى مما ألاقي تعومست……………..
حتى فحيح الضيق جاني من أقصاه
ومع التعب تاهت بي الحيله وإحتست…………….
كل ما بغيت تزين تسبقني الآه
حتى هلاش الأرض يغوص لا دست………………….
وش حيلة المرور لاجاه ما جاه ؟؟
قل لي ياراعي الشور والرأي لاقست………………..
مقدار ما عانيت هو الأمل تاه ؟
وش هو السبيل لمخرجي لا تنكست……………….
ومتى يفيض السعد ويمد يمناه ؟
وأنا الرجا هو ملجئي لا تفرست……………….
فالعبد ماله غير مولاه ينصاه
هو السبيل لراحتيي كل ما اونست………………. ماخاب عبد بحاجته يطلب الله
وببسط يدي في خلوتي كل ما اوجست………………
الله ملاذ اللي تعبر وناجاه
رب(ن)غفور(ن)
لاطلبته تنفست……………….
هو ملجئ اللي هم نفسه تعداه
