الشاعر محمد عبد العزيز رمضان
مكانك مكاني
طريقك طريقي
بحبك يا روحي
بحبك حقيقي
وهرسم بدمعي
حكاية غرامي
وشوقي وحبي
نهاية كلامي
هقولها وهصرخ
بصوتي تعال
ونفسي تكون
بداية سؤالي
يا نسمة رقيقه
يا أجمل حقيقة
وخايف أقرب
بحارك غريقه
أنا فيك دايب
يا حاضر وغايب
يا بلسم جروحي
يا أغلى الحبايب
بدوب في هواك
وهفضل معاك
وهحفر بقلبي
نجوم في سماك
حبيبتي منايا
وجودك معايا
يا زهر الجناين
طبيبي ودوايا
ونفسي تعودي
وأحطم قيودي
والقى معاك
حياتي ووجودي
أنا مش ناسيك
أنا كلي ليك
أنا عمري كله
ما يغلاش عليك
