راشد بن عامر السلماني
هذة هي أخباري
جاء مشتاق
بعد ما ارتاح في غيابه
جاء يعذب قلبي
لا أدري مالذي جابه
جاء يسأل عن أخباري
وكيف قلبي وأحواله
نسى أنه قبل لا يروح
ترك في قلبي جروح
* * * *
صبرت عليه .. وبعد أصبر
حتى تتعب الآمه
وأسافر في خياله وأبحر
وأسأل عن أفراح أيامه
أريد أعرف إحساسه
ومتى قلبه يعلن يأسه
طاير في سماه الطير
ويظن عليه أخاف واغير
أنا بعدك شفت عيون
دمعها يحكي قصتها
تريد تسكن معي بالكون
وتحفظ بقلبي صورتها
* * * *
ابعدني من تفكيرك
أنا قلبي خذه غيرك
مسكين.. يظن الناس عشقها مثلي
مسكين .. يظن وجهه ينوّر ليلي
شعوري صادق وأحساسي غير
مالهم على غيابك تأثير
تجي تسأل عن الماضي
أنا قلبي ما عاد فاضي
يسكن فيه أجمل ملاك
وهذة هي أخباري.
